падтрымаць нас
Яшчэ
падтрымаць нас
Цэнтр новых ідэй – даследчы інстытут, які дапамагае грамадскім і палітычным актарам пабудаваць дэмакратычную і ўстойлівую Беларусь. Мы робім гэта праз правядзенне незалежных даследаванняў, узмацненне грамадскага дыялогу і падтрымку будучых лідараў.

Што мы робім?

Праводзім даследаванні і займаемся аналітыкай

Ладзiм адукацыйныя праграмы для маладых беларусаў і беларусак

Арганізоўваем афлайн- і анлайн-імпрэзы дзеля абмеркавання актуальнага стану і будучыні Беларусі

Спрыяем распаўсюду якаснай і непрадузятай інфармацыі пра Беларусь сярод міжнародных стэйкхолдараў

Што даследуе ЦНІ

Грамадства

Мы робім колькасныя і якасныя сацыялагічныя даследаванні, каб даведацца, што думаюць беларусы пра палітычную сітуацыю ў краіне і актуальныя падзеі, што хвалюе жыхароў нашай краіны і якім медыям і палітыкам яны давяраюць.

Вобраз Беларусі і лічбавізацыя

Мы вывучаем палітычныя наратывы ў медыях і сацыяльных сетках, а таксама вобраз Беларусі ў замежных СМІ.

Палітычная сістэма

Захад, Усход ці нейтралітэт? Даследнікі ЦНІ вывучаюць, як магла б выглядаць вонкавая палітыка Беларусі, а таксама аналізуюць найбольш устойлівыя і ўразлівыя сферы ў Беларусі.

Рэгiёны

Мы вывучаем, як сябе адчуваюць беларускія рэгіёны, з якімі праблемамі сутыкаюцца, што хвалюе жыхароў маленькіх гарадоў і што з гэтым усім можна рабіць.

Каманда ЦНІ:

Рыгор Астапеня

Рыгор Астапеня

Заснавальнік Цэнтра новых ідэй і дырэктар “Беларускай ініцыятывы” у Chatham House. Рыгор паходзіць з Салігорска і атрымаў доктарскую ступень (PhD) па паліталогіі ў Варшаўскім універсітэце.
Антон Раднянкоў

Антон Раднянкоў

Старшыня Рады Цэнтра новых ідэй і саўладальнік прыватнага бізнесу. Антон нарадзіўся ў Гомелі, вывучаў міжнародныя дачыненні ў Мінскім дзяржаўным лінгвістычным універсітэце і аналіз фінансавых рынкаў у Беларускім нацыянальным тэхнічным універсітэце. Раней кіраваў праектамі ў сферы ўстойлівага развіцця рэгіёнаў і ўзначальваў аддзел высокіх тэхналогій на Мінскім гадзіннікавым заводзе.
Леся Руднік

Леся Руднік

Дырэктарка Цэнтра новых ідэй. Паходзіць з Гродна, скончыла ЕГУ па накірунку паліталогія. У Швецыі атрымала дзве магістарскія ступені, па паліталогіі і журналістыцы, а зараз піша доктарскую, у межах якой даследуе тэхналогіі і дэмакратызацыю ў аўтарытарных краінах. Раней займала пасаду даследчыцы ў Цэнтры новых ідэй. Леся працавала аналітыкам і пісала для Belarus Digest, Atlantic Council. Працавала […]
Ганна Краўчанка

Ганна Краўчанка

Менеджарка ў Цэнтры новых ідэй. Скончыла БДЭУ ў Мінску на факультэце мэнэджмэнту. Працавала ў сферы маркетынгу ў B2B і B2C кампаніях. Актывістка. Кіраўніца праекта чат-бот «Рух большасці».
Генадзь Коршунаў

Генадзь Коршунаў

Старшы даследчык Цэнтра новых ідэй. Нарадзіўся і вырас у Мінску. З чырвоным дыпломам скончыў факультэт філасофіі і сацыяльных навук Беларускага дзяржаўнага ўніверсітэта. Працаваў 9 год у Інстытуце сацыялогіі Нацыянальнай акадэміі навук Беларусі, потым па тры гады ў Інстытуце эканомікі, Белдзяржуніверсітэце і Цэнтры сістэмнага аналізу і стратэгічных даследванняў. З 2018 па 2020 гг. – дырэктар Інстытуту […]
Таццяна Ашуркевіч

Таццяна Ашуркевіч

Палітычная журналістка. Нарадзілася ў Століне, скончыла БДУ па спецыяльнасці “Журналістыка міжнародная”. Раней працавала ў выданнях Onliner і “Зеркало”, стварала інтэрв’ю з беларускімі і замежнымі палітыкамі. Супрацоўнічала з выданнямі The New York Times Magazine, Tagesspiegel, Veridica. Сувядоўца падкаста пра міжнародную палітыку “Теперь понятно”. Навучаецца ў магістратуры ў Лондане, University of Westminster на спецыяльнасці “Міжнародныя адносіны і […]
Павел Мацукевіч

Павел Мацукевіч

Старшы даследчык Цэнтра новых ідэй. Нарадзіўся ў Мінску, вырас у Салігорску. Скончыў факультэт міжнародных дачыненняў Беларускага дзяржаўнага ўніверсітэта. Працаваў два гады ў газеце “СБ. Беларусь сёння” і 15 гадоў у Міністэрстве замежных спраў, апошняя пасада — Часовы павераны ў справах Беларусі ў Швейцарыі.
Стас Гарэлік

Стас Гарэлік

Дактарант Універсітэта Джорджа Вашынгтана. Навучаўся на магістарскай праграме па глабальных медыях Карльстадскага ўніверсітэта (Швецыя) і факультэце філасофіі ды сацыяльных навук Беларускага дзяржаўнага ўніверсітэта. Працаваў піяр-менеджарам у недзяржаўнай арганізацыі, што прасоўвае прынцыпы ўстойлівага развіцця ў беларускіх рэгіёнах. Піша пра сучасныя аўтарытарныя рэжымы і ўзаемасувязі беларускай палітыкі ды сусветных падзей.

Асацыяваная каманда:

Дзяніс Рабчук

Дзяніс Рабчук

Малодшы даследчык у Цэнтры новых ідэй. Дзяніс нарадзіўся і вырас у Берасці, на сённяшні момант вывучае эканамічныя і сацыяльныя навукі ва ўніверсітэце Баконі, Італія. Яго інтарэсы ўключаюць policy design, развіццё інстытутаў, палітычныя тэхналогіі і дэмакратызацыю.
Мiкiта Чайкоўскi

Мiкiта Чайкоўскi

Малодшы даследчык ЦНІ. Нарадзіўся ў Менску, дзе скончыў бакалаўрыят БДЭУ па спецыялізацыі Эканамічная Сацыялогія i атрымаў Магістра Эканомікі. Мае вялікі досвед у Start-up асяроддзі і IT індустрыі, працуе на пасадзе Senior SEO Manager у амерыканскай IT кампаніi.