Як Беларусі стаць сусветным цэнтрам па распрацоўцы штучнага інтэлекту

Мы сабралі трох IT-гуру ў сферы штучнага інтэлекту, каб даведацца: калі чакаць сапраўдны AI, дзе тут месца для Беларусі і што можна зрабіць сёння, каб наблізіць будучыню.
Рэдакцыя Ідэі · 5 Студзеня 2017
Як Беларусі стаць сусветным цэнтрам па распрацоўцы штучнага інтэлекту

Анлайн-часопіс “Ідэя” запрашае на панэльную дыскусію “Як Беларусі стаць сусветным цэнтрам па распрацоўцы штучнага інтэлекту”.

Дыскусія адбудзецца ў чацвер, 19 студзеня, а 19:00 у бізнес-клубе Imaguru. Рэгістрацыя на падзею (колькасць месцаў абмежаваная!) – тут.

Цягам апошніх гадоў мы пабачылі адразу некалькі гісторый поспеху ў сферы AI і machine learning. MSQRD – піянер відэа-фільтраў для сацыяльных сетак – быў набыты Facebook. Прылада Prisma, якая выкарыстоўвае нейрасеткі для апрацоўкі фотаздымкаў, стала хітом App Store. Беларускія IT-бізнесоўцы заснавалі адмысловы венчурны фонд Haxus з фокусам на падтрымцы стартапаў, якія працуюць з тэмай штучнага інтэлекту. У снежні 2016 прайшоў першы ў краіне AI Hackathon, на якім 45 каманд прадставілі сваё бачанне будучыні машыннага інтэлекту.

Што (не) рабіць дзяржаве, каб дапамагчы фармаванню кластара ў сферы AI ў Беларусі? Якія перспектывы адкрывае АІ перад інвестарамі ды бізнесоўцамі? Як штучны інтэлект зменіць штодзённае жыццё? І калі гэтага чакаць? Ці можа Беларусь стаць сусветным цэнтрам machine learning?

І нарэшце, куды ісці і што вывучаць распрацоўшчыку, каб стварыць беларускага Тэрмінатара?

Выступоўцы падзеляцца ўласным досведам і адкажуць на пытанні аўдыторыі ў нефармальнай атмасферы.

Юрый Мельнічак, сузаснавальнік і былы CEO maps.me, заснавальнік AIMatter, распрацоўшчык у сферы штучнага інтэлекту/machine learning. Місія AIMatter – зрабіць ў Беларусі даследчы цэнтр па нейрасетках, камп’ютарным зроку і распазнаванню гуку.

Дзмітры Гурскі, партнёр венчурнага фонду Haxus, які інвестуе ў стартапы, звязаныя з даследаваннямі штучнага інтэлекту. CEO Ideanomix Digital, кампаніі-распрацоўшчыка мабільных прыладаў, а таксама сузаснавальнік выдавецтва адукацыйнай літаратуры Ideanomix.

Дзяніс Пірштук, галоўны распрацоўшчык аддзела аналізу дадзеных (Chief Data Scientist) у кампаніі InData Labs – адным з лідараў у сферах maching learning ды BigData ў Беларусі. InData Labs увайшла ў спіс 100 найбольш перспектыўных кампаній у сферы вялікіх дадзеных паводле версіі часопіса CIOReview.

За апошнімі навінамі мерапрыемства сачыце ў адмысловых групах у Facebook і ва “УКантакце”.

ПаказацьСхаваць каментары
Вам спадабаецца
Рэдакцыя Ідэі · 10 Лютага
Як зрабіць Беларусь лепшай за адно дзесяцігоддзе? ЦНІ абвяшчае конкурс эсэ сярод беларускай моладзі
Як зрабіць Беларусь лепшай за адно дзесяцігоддзе? ЦНІ абвяшчае конкурс эсэ сярод беларускай моладзі
Апішы сваю ідэю для будучыні краіны ў фармаце эсэ да 15 сакавіка
Антон Раднянкоў , Глеб Мартынаў, Іван Шыла· 12 Студзеня
Хто бесіць, дзе жыць і калі жаніцца
Хто бесіць, дзе жыць і калі жаніцца
Адказваем на вашы пытанні – пра карту паляка, перадачу ўлады, пераслед і самых гарачых рэфарматараў.
Дзіяна Ляшкевіч· 30 Снежня 2019
Наталля Зубарэвіч: Беларускія рэгіёны не апусцяцца да ўзроўню расійскіх
Наталля Зубарэвіч: Беларускія рэгіёны не апусцяцца да ўзроўню расійскіх
Шэсць ідэй з Reshape 2019 аб рэгіянальнай няроўнасці.