Усё, што трэба ведаць пра злачыннасць у Беларусі

Тры пункты, шэсць графікаў – усё як мы любім. 

Рыгор Астапеня· 24 Ліпеня
Усё, што трэба ведаць пра злачыннасць у Беларусі

Злачыннасць змяншаецца, але ў гэтым няма нічога асаблівага

Прыхільнікі Ігара Шуневіча пасля таго, як ён абвесціў аб сваёй адстаўцы, пачалі казаць пра змяншэнне колькасці злачынстваў як пра адзін з паказнікаў паспяховасці былога міністра. Сапраўды, колькасць злачынстваў пры Шуневічу зменшылася: у 2012 годзе, калі Шуневіч заступіў на пасаду, былі зарэгістраваныя 102 тыс. злачынстваў, у 2018 – 84 тыс. 


Праблема толькі ў тым, што злачынстваў станавілася ўсё менш і да Шуневіча. Праўдападобна, іх колькасць будзе змяншацца і пасля яго. У большасці краінаў свету адбываецца падзенне ўзроўню злачыннасці – дастаткова прасачыць іх дынаміку на ўсход ці на захад ад Беларусі: там адбывалася тое ж самае, што і ў нашай краіне, але без Шуневіча. 



Беларусы пераважна крадуць

Сярод усіх злачынстваў, на якія ідуць беларусы, найбольш распаўсюджаныя крадзяжы: іх доля ў агульнай колькасці злачынстваў складае крыху больш за траціну. Але адметна, што іх колькасць з года ў год істотна змяншаецца. У тым жа 2012-ым годзе крадзяжы складалі больш за палову ўсіх злачынных дзеянняў.


Па вялікім рахунку, колькасць усіх злачынстваў у свеце альбо змяншаецца, альбо застаецца прыкладна такой жа. Адзіным выключэннем з’яўляюцца кіберзлачынствы – іх колькасць з 2017-га па 2018-ты вырасла ў паўтара раза


Найбольш злачынстваў у Бабруйскім раёне, а найменш – у Іванаўскім

Калі глядзець на ўзроўні абласцей, то па колькасці злачынстваў на адну тысячу жыхароў лідарскае месца займае Мінская вобласць. А калі зірнуць на ўзровень раёнаў, то найбольш злачынстваў у рэгіёнах, што размешчаныя на ўсход ад сталіцы.


Найменшай жа колькасцю злачынстваў вылучаюцца пераважна заходнія раёны. Дарэчы, Беларусь выглядае сапраўды вялікай краінай, калі ўзяць пад увагу, што злачынствы ў самым крымінальным раёне здараюцца цягам года ажно ў пяць разоў часцей, чымся ў самым спакойным раёне.  



ПаказацьСхаваць каментары
Вам спадабаецца
Чаму не варта святкаваць сёмае лістапада
Чаму не варта святкаваць сёмае лістапада
Называет тры прычыны перастаць святкаваць Дзень Кастрычніцкай рэвалюцыі.
Алесь Ганчаронак· 16 Кастрычніка
Якія гарады і раёны Беларусі самыя «еўраопнутыя»?
Якія гарады і раёны Беларусі самыя «еўраопнутыя»?
Мы прааналізавалі распаўсюджанасць крамаў самага буйнога гандлёвага сеткавага аператара Беларусі і гатовыя распавесці, якая адміністрацыйная адзінка Беларусі – самая «еўраопнутая».
Рыгор Астапеня· 28 Верасня
Тры рэчы, якія трэба ведаць пра злачыннасць у Беларусі
Тры рэчы, якія трэба ведаць пра злачыннасць у Беларусі
Кароткі ролік, але з процьмай графікаў.