33 панчы з апошняй кнігі Юваля Харары

Найлепшае з “21 урока для 21 стагоддзя”.

Рыгор Астапеня· 20 Сакавіка
33 панчы з апошняй кнігі Юваля Харары

Юваль Харары – адзін з найбольш вядомых мысляроў сённяшняга свету, усе кнігі якога хутка робяцца бестселерамі. Першая была прысвечаная мінуламу, другая – далёкай будучыні, трэцяя – апошняя – нашаму стагоддзю. З яе мы і выбралі самыя цікавыя цытаты, каб вы маглі даведацца, што адбываецца ў сённяшнім свеце паводле аднаго з галоўных яго інтэлектуалаў.  

  • Упершыню ў гісторыі інфекцыйныя хваробы забіваюць менш людзей, чым старасць, голад забірае жыцці меншай колькасці людзей, чым атлусценне, і гвалт зводзіць са свету менш людзей, чым здарэнні.
  • Звычайныя людзі могуць не разумець штучнага інтэлекту ці біятэхналогій, але адчуваюць, што будучыня праходзіць міма іх.

Мы можам у будучыні атрымаць горшае з двух светаў, пакутуючы ад высокага беспрацоўя і недахопу кваліфікаваных кадраў.

  • Калі б дэмакратыя была справай рацыянальнага прыняцця рашэнняў, то не існавала б ніводнай прычыны даваць роўныя правы да галасавання.
  • Сапраўдная праблема з робатамі не ў іх штучным інтэлекце, але ў натуральнай тупасці і жорсткасці іх людзей-кіраўнікоў.
  • Дыктатар, можа, не ў стане даць людзям роўнасць і якасную ахову здароўя, але ён можа навучыць іх любіць яго і ненавідзець яго апанентаў.
  • Няма прычын, каб лічыць, што штучны інтэлект займее свядомасць, таму што інтэлект і свядомасць – гэта вельмі розныя рэчы. Інтэлект – гэта здольнасць вырашаць праблемы. Свядомасць – гэта здольнасць адчуваць такія рэчы, як боль, любоў ці злосць.
  • Алгарытмы Big Data могуць стварыць лічбавыя дыктатуры, у якіх уся ўлада будзе сканцэнтраваная ў руках маленечкай групы эліты. У той жа момант  большасць людзей будзе пакутаваць не ад эксплуатацыі, а ад чагосьці горшага – ад нерэлевантнасці.
  • Самая заможная сотня людзей у свеце мае больш, чым найбяднейшыя чатыры мільярды.
  • Нават калі ты не ведаеш, як зарабіць на звестках сёння, то лепш іх усё адно мець, таму што яны могуць быць ключом кантралявання і фармавання жыцця ў будучыні.

Людзі пражываюць усё больш самотныя жыцці ва ўсё больш узаемазвязаным свеце.    

  • Калі адбываецца нешта цікавае, карыстальнік “Фэйсбука” інстынктыўна дастае свой смартфон, каб зрабіць фотку, апублікаваць яе і чакаць падабаек. Падчас гэтага ён нават не заўважае, што насамрэч адчувае, калі гэта робіць. Тое, што ён адчувае, залежыць, хутчэй, ад анлайн-рэакцый.
  • Гарачая спрэчка пра сапраўдную сутнасць ісламу абсалютна бессэнсоўная. У ісламу няма ўстойлівага ДНК. Іслам – гэта тое, чым яго бачаць мусульмане.
  • Вера ў долар і мудрасць Федэральнай рэзервовай сістэмы настолькі цвёрдая, што яе падзяляюць і ісламскія фундаменталісты, і мексіканскія наркабароны, і паўночнакарэйскія тыраны.

Гэта небяспечная памылка думаць, што без нацыяналізму мы жылі б у ліберальным раі. Хутчэй, мы жылі б у племянным хаосе.

  • Хоць нацыяналізм прывёў да страшэнных і велізарных канфліктаў, сучасныя нацыянальныя дзяржавы таксама пабудавалі масавыя сістэмы аховы здароўя, адукацыі і сацыяльнай бяспекі.
  • У пытаннях клімату краіны не з’яўляюцца суверэннымі. Яны залежаць ад дзеянняў людзей на іншым баку планеты.
  • У XXI-ым стагоддзі нацыі аказаліся ў той жа сітуацыі, што і старажытныя плямёны: яны больш не найлепшая структура для таго, каб адказваць на выклікі свайго часу.
  • Няма розніцы, якую эканамічную палітыку абяры Хамэнэі: ён заўсёды зможа звесці яе з Каранам. Такім чынам Каран зводзіцца з узроўню крыніцы сапраўдных ведаў да крыніцы абгрунтавання рашэння ўлады.
  • У XXI-ым стагоддзі рэлігіі не прыносяць дождж, не лечаць хваробы, не ствараюць бомбы – але яны вызначаюць, хто “мы” і хто “яны”, каго мы павінны лячыць, а каго бамбіць.
  • Няма розніцы, наколькі архаічнай можа выглядаць рэлігія, але крыху фантазіі і рэінтэрпрэтацыі і яна амаль заўсёды можа спалучацца з апошнімі тэхналагічнымі гаджэтамі і самымі сучаснымі інстытутамі.

Тэрарысты не думаюць як вайсковыя генералы. Замест таго яны думаюць як тэатральныя прадзюсары.

  • Калі мы хочам эфектыўна змагацца з тэрарызмам, то мы павінны ўсвядоміць, што тэрарысты не могуць нічога зрабіць, каб нас перамагчы. Толькі мы можам сябе перамагчы, калі мы няслушна зарэагуем на правакацыі тэрарыстаў.
  • У 1914-ым годзе вайна была папулярнай ідэяй сярод сусветных элітаў, таму што яны бачылі шмат паспяховых войнаў, якія ўмацоўвалі іх эканамічны дабрабыт і палітычную ўладу. У 2018-ым годзе сітуацыя адрозніваецца – паспяховыя войны сталі відам, які вымірае.
  • Чалавечая тупасць – адна з найважнейшых сілаў у свеце, але мы яе недаацэньваем.
  • Як хрысціянскія грамадствы і інстытуты часта далёкія ад хрысціянскага ідэалу, гэтаксама далёкія ад яго і секулярныя грамадствы ды інстытуты.
  • Калі ты хочаш, каб твая рэлігія, ідэалогія ці светапогляд дамінавалі ў свеце, то маё першае пытанне да цябе наступнае: “Якую найвялікшую памылку дапусціла твая рэлігія, ідэалогія ці светапогляд? Што пайшло не так?” Калі ты не можаш грунтоўна адказаць на гэтае пытанне, то я б табе не даверыўся.

Нацыі і рэлігіі – гэта футбольныя клубы на стэроідах.

  • Паводле найлепшых навуковых тэорый і самых сучасных тэхналагічных прыладаў, наш розум ніколі не пазбаўлены маніпуляцый. Не існуе ніякага “я”, якое чакае ўнутры нас, каб быць вызваленым ад маніпуляцый.
  • У нашым свеце апошняя рэч, якую настаўнік павінен даваць вучням, – гэта веды. Яны і так іх ужо зашмат маюць.
  • Каб заставацца рэлевантным – не толькі эканамічна, але і сацыяльна – людзям патрэбная здольнасць пастаянна вучыцца і перавынаходзіць сябе, прынамсі ў такім маладым узросце як 50.
  • Мы павінны ўсвядоміць, што мы не кантралюем сваіх жаданняў, нават рэакцыяў на свае жаданні.
  • Вы маглі чуць, што мы жывем у эры, калі займаюцца хакерствам камп’ютараў, але гэта нават не палова праўды. Насамрэч мы жывем у часах, калі квітнее хакерства  людзей.
ПаказацьСхаваць каментары
Вам спадабаецца
Перацягні Беларусь у міжнародных рэйтынгах!
Перацягні Беларусь у міжнародных рэйтынгах!
Правер, ці ведаеш сапраўднае месца Беларусі.
Рыгор Астапеня· 28 Лютага
Тлумачым усё пра беларускую карупцыю на пяці графіках
Тлумачым усё пра беларускую карупцыю на пяці графіках
Новы эпічны ролік!
За каго галасуе Астапеня, чым Макей падобны да Пуціна і чаму Яндэкс так мала каштуе
За каго галасуе Астапеня, чым Макей падобны да Пуціна і чаму Яндэкс так мала каштуе
Новы выпуск пра палітыку, айці і лібертарыянскія мары.