Тры графікі, як улады правалілі праграму па інавацыйнасці

Улады не здолелі выканаць тры з чатырох паказчыкаў дзяржпраграмы. Чацверты – выканалі, але не да канца зразумела як.
Ліза Заслонава · 15 Жніўня 2016
Тры графікі, як улады правалілі праграму па інавацыйнасці

Інавацыйнасць беларускай навукі калісьці была легендай, але цяпер становіцца міфам. Новыя дадзеныя Белстата аб стане беларускай інавацыяў паказваюць, як дэградавала беларуская навука ў апошнія пяць гадоў.

Найлепш гэта бачна, калі параўнаць статыстыку з паказчыкамі, якія ўлады ўклалі ў дзяржаўную праграму інавацыйнасці на 2011-2015 гг. Паводле яе да канца мінулага году:

  • Унутраныя выдаткі на навуковыя даследванні і распрацоўкі павінны былі дасягнуць 2,5 – 2,9 % ад агульнага памеру беларускай эканомікі.
  • Доля інавацыйных прадпрыемстваў сярод прамысловых кампаніяў павінна складаць 40%.
  • Доля інавацыйнай прамысловай прадукцыі ў агульнай адгружанай прадукцыі мела складаць 20 – 21%.
  • Аб’ём экспарту навукаёмістай высокатэхналагічнай прадукцыі павінен складаць $ 7950 млн.

Большасць з гэтага не спраўдзілася. Навукаёмістасць беларускай эканомікі не толькі не вырасла ў чатыры разы, але змяншалася. Выдаткі на навуковыя даследванні скарачаліся не толькі ў працэнтах, але і абсалютных лічбах, бо папярэднія пяць гадоў беларуская эканоміка не расла.

Навукаёмістасць
Create line charts

Доля інавацыйна-актыўных прадпрыемстваў гэтаксама не расла, пры гэтым частка інавацыйных кампаніяў больш шкодзяць Беларусі, чым прыносяць карысці. Найлепшым прыкладам з’яўляюцца мадэрнізаваныя цэментныя кампаніі, як Беларускі цэментны завод. Ён традыцыйна знаходзяцца ў топе самых стратных ААТ Беларусі, але атрымлівае граматы ад ураду за якасць і канкурэнтаздольнасць прадукцыі.

Прадпрыемствы
Create column charts

Не дзіва, што пры змяншэнні інавацыйна-актыўных прадпрыемстваў змяншаецца і колькасць інавацыйнай прадукцыі, якая імі выпускаецца.

Доля прадукцыі
Create your own infographics

Адзіным паказчыкам, паводле якога, Беларусь выканала дзяржаўную праграму па інавацыйнасці, з’яўляецца аб’ём экспарту навукаёмістай і высокатэхналагічнай прадукцыі. Паводле кіраўніка Дзяржкамітэта па навукі і тэхналогіях, Беларусь экспартавала навукаёмістай прадукцыі на $ 37 млрд, такім чынам перавыканаўшы праграму на 146%. 

Праблема ў тым, што немагчыма знайсці адкуль паходзіць такая лічба, а зварот у ДКНТ не прынёс выніку – дзяржкамітэт параіў больш уважліва разглядзець статыстычныя дадзеныя.

ПаказацьСхаваць каментары
Вам спадабаецца
Цэнтр новых ідэй · 10 Сакавіка 2020
Абвяшчаем прыём заявак на Vitali Silitski Fellowship
Абвяшчаем прыём заявак на Vitali Silitski Fellowship
Заяўкі на двухмесячную нерэзідэнтную праграму для маладых даследчыкаў прымаюцца да 1 мая.
Антон Раднянкоў , Глеб Мартынаў, Іван Шыла· 12 Студзеня 2020
Хто бесіць, дзе жыць і калі жаніцца
Хто бесіць, дзе жыць і калі жаніцца
Адказваем на вашы пытанні – пра карту паляка, перадачу ўлады, пераслед і самых гарачых рэфарматараў.
Алесь Ганчаронак· 16 Кастрычніка 2019
Якія гарады і раёны Беларусі самыя «еўраопнутыя»?
Якія гарады і раёны Беларусі самыя «еўраопнутыя»?
Мы прааналізавалі распаўсюджанасць крамаў самага буйнога гандлёвага сеткавага аператара Беларусі і гатовыя распавесці, якая адміністрацыйная адзінка Беларусі – самая «еўраопнутая».