Мы пераехалі на newbelarus.vision

Што яшчэ змянілася ў Цэнтры новых ідэй

Цэнтр новых ідэй · 1 Траўня
Мы пераехалі на newbelarus.vision

Наш перазапуск павінен быў выглядаць інакш. Мы планавалі зрабіць яго разам з арганізацыяй буйной канферэнцыі, з запускам новага даследчага праекта, з фанфарамі. Замест гэтага мы перапісваем усе нашы планы на сёлета і, магчыма, наступны год. 

Але каранавірус – гэта не прычына стаяць на месцы (хутчэй, наадварот). Таму мы пастанавілі цяпер перазапусціць сайт і расказваць вам, як мы змяняемся з перакананнем: “калі не ўзляцім, дык паплаваем”. 

Цяпер мы на newbelarus.vision. Гэты сайт застаецца ў якасці архіва.

Окей, што змяняецца?

Мы ператвараемся ў аналітычны цэнтр. Гэта значыць, што вы можаце чакаць ад нас большай колькасці даследаванняў, аналітыкі ды змяншэння колькасці лайтовых матэрыялаў. 

Каб падзел абавязкаў у нашай арганізацыі быў выразнейшы, цяпер у нас два дырэктары: Антон з’яўляецца выканаўчым дырэктарам, Рыгор – дырэктарам па даследаваннях.

Пры гэтым мы захаваем сваё арыенцір на грамадскасць. Для нас важна служыць рэсурсам для шырокіх колаў, а не для вузкіх аўдыторый класічных аналітычных цэнтраў. 

Якія нашы даследчыя прыярытэты?

У нас чатыры прыярытэты: унутраная і вонкавая палітыка, рэгіянальнае/гарадское развіццё, адукацыя і будучыня Беларусі. Усё, што выходзіць па-за гэтыя прыярытэты, мы будзем публікаваць хіба што толькі зрэдку.

Ці чакаць у гэтым годзе публічных івэнтаў?

Цэнтр новых ідэй адмаўляецца ад жывых імпрэз, прынамсі на паўгода. Увесь гэты час мы будзем ладзіць мінімум адзін вебінар у тыдзень. Школа маладых рэфарматараў будзе дзейнічаць таксама ў анлайне – абвестка з’явіцца неўзабаве. 

Якія галоўныя публікацыі на гэты год?

У гэтыя дні мы сядаем за першую кнігу, якую мы прысвецім тэме, як Беларусь павінна развівацца пасля пандэміі. Мы плануем, што яна выйдзе ў сярэдзіне восені. Напрыканцы ж восені мы плануем публікацыю абноўленага Рэйтынга беларускіх гарадоў. 

Магчыма, што сёлета мы таксама пачнем працу над новым даследаваннем па ўстойлівасці Беларусі.

Ходзяць чуткі пра нейкую падкаст-платформу, што гэта такое?

У нас стала шмат розных падкастаў і мы плануем яшчэ адзін пра беларускія рэгіёны. Каб нейкім чынам структураваць усе падкасты, мы вырашылі вывесці іх у асобны праект, вядомы пад кодавай назвай “падкаст-платформа”, на якой будуць не толькі нашыя падкасты, але і падкасты з усёй Беларусі. За лета мы гэта ўсё зробім, а ўвосень запусцімся.

Як вас падтрымаць?

Вы можаце падтрымаць нашу арганізацыю, пералічыўшы добраахвотнае ахвяраванне на рахунак.

Інфармацыйна-асветніцкая ўстанова “Цэнтр новых палітычных, эканамічных і сацыяльных ідэй”

Мінск, вул. Амуратарская д. 7, офіс 2І – 11
УНП: 192810403:
Банкаўскі рахунак: BY30BELB30150123340060226000
Код: BELBBY2X у ААТ “БелВЭБ”

ПаказацьСхаваць каментары
Вам спадабаецца
Цэнтр новых ідэй · 13 Красавіка
Беларусь пасля пандэміі: запрашаем на серыю анлайн-дыскусій
Беларусь пасля пандэміі: запрашаем на серыю анлайн-дыскусій
Пакуль увесь свет змагаецца з каранавірусам, а грамадствы самаізалююцца, мы запускаем серыю анлайн-дыскусій пра змены, якія чакаюць Беларусь.
Цэнтр новых ідэй · 10 Сакавіка
Абвяшчаем прыём заявак на Vitali Silitski Fellowship
Абвяшчаем прыём заявак на Vitali Silitski Fellowship
Заяўкі на двухмесячную нерэзідэнтную праграму для маладых даследчыкаў прымаюцца да 1 мая.
Цэнтр новых ідэй · 25 Чэрвеня 2018
Цэнтр новых ідэй запрашае на Belarus Urban Fellowship
Цэнтр новых ідэй запрашае на Belarus Urban Fellowship
Праграма скіраваная да новых лідарак/лідараў, якія займаюцца развіццём рэгіёнаў ці гарадоў і маюць не болей за 30 гадоў. Тры першыя сесіі праграмы пройдуць у Мінску, а чацвёртая ў Берліне.