Сем рэчаў, якімі мы ганарымся ў гэтым годзе

Падбіць рахункі за год – святая справа.
Рыгор Астапеня· 26 Снежня 2017
Сем рэчаў, якімі мы ганарымся ў гэтым годзе

У нашай беларускай рэальнасці часта хочацца заплакаць, што ўсё не так і не гэтак, але калі паглядзіш назад, то разумееш – рухаемся мы ў правільным кірунку. Калі Вы раптам не сачылі за кожным нашым крокам, то вось самае важнае, што ў нас адбылося за год.

Мы выраслі

2017-ы – гэта апошні год “Ідэі”, у 2018-ым мы перазагрузімся і станем Цэнтрам новых ідэй. Мы ішлі да гэтага пяць гадоў і маем вялікія планы: запусціць мультымедыйную праграму рэформаў, нарабіць процьму відэа, аб’ехаць з лекцыямі Беларусь і шмат чаго яшчэ.

Зрабілі reshape

Нашая канферэнцыя, якую мы збіраемся праводзіць штогод, прайшла на 10 балаў: былі выдатныя дыскусіі выбітных гасцей з цудоўнай аўдыторыяй. У 2018-ым мы паўторым канферэнцыю, а пакуль паглядзіце відэа, каб адчуць, наколькі крута гэта было.

Выпусцілі 404 Biełarusy

Беларускае грамадства – талерантнае, здаровае і шчаслівае. Ці ўсё гэта праўда, мы запыталі хлопца, які перажыў “дзедаўшчыну”, гея-коміка, самага вядомага ўдзельніка пратэстаў 2017-га, уцякачку з Украіны, дзяўчыну, якая ў 15 год захварэла ракам, маці лесбіянкі і чалавека, які адсядзеў “за наркотыкі”.

Выехалі за Мінск

У гэтым годзе мы шмат пісалі пра рэгіёны і нарэшце фізічна перакрочылі МКАД. Нашыя першыя лекцыі з аншлагамі прайшлі ў Гомелі, Магілёве і Віцебску. Пасля мы яшчэ апублікавалі вось такі лонгрыд – “Як рэфармаваць беларускія рэгіёны”, які чытаюць усе змагары перад мясцовымі выбарамі.

Наздымалі відэа

Ужо хіба не сакрэт, што відэа – гэта наш арганізацыйны прыярытэт. Мы яго робім вельмі шмат, і плануем цягам найбліжэйшых месяцаў выпусціць каля 20 новых ролікаў. Калі не браць у разлік ролікі праекта “404”, то самым папулярным стала вось гэтае ніжэйшае відэа. Хоць у момант, калі пішацца гэты артыкул, імклівую папулярнасць набірае ролік з Іванам Шылам – можа ў выніку гран-пры атрымае менавіта ён. 

Падымаем падкасты

Ледзь не ўсё, што становіцца папулярным у Беларусі, прыходзіць да нас з Захаду (хоць і праз Расію). Але ёсць адна рэч, якая ўсё не можа прабіцца да сэрцаў беларусаў, хоць гэта вельмі папулярна на Захадзе – падкасты. Але мы працягваем у іх верыць і бачым, што першы плён ужо ёсць – кожны наш падкаст мае больш за 200 праслухоўванняў. Падпісвайцеся на iTunes і Mixcloud ды далучайцеся да нас у Telegram!

І вы ўсё яшчэ нас чытаеце

Відэа і аўдыё слаба генеруюць візіты на сайт, як і нашыя імпрэзы. Але, нягледзячы на гэта, мы пісалі шмат, а вы нас чыталі. Вас цікавіла, колькі “грантасосіць” дзяржава, чаму Павел Калавур найлепшы кіраўнік Нацбанка і ў каго жоўтая майка лідара сярод арганізацый грамадскага сектара ў сацсетках. Насамрэч добрых матэрыялаў за год выйшла шмат і будзе яшчэ болей.

Дзякуй, што былі з намі! Вясёлых Калядаў і шчаслівага Новага года!

ПаказацьСхаваць каментары
Вам спадабаецца
Чым Лукашэнка падобны да Міхалка і адрозніваецца ад Назарбаева
Чым Лукашэнка падобны да Міхалка і адрозніваецца ад Назарбаева
Спрачаемся пра гендарную дыскрымінацыю, параўноўваем кіраўніка краіны і рок-ікону ды абмяркоўваем цыгарэты.
Рыгор Астапеня· 2 Кастрычніка
Як Беларусь зарабляе на кантрабандзе цыгарэт
Як Беларусь зарабляе на кантрабандзе цыгарэт
Тры рэчы, якія трэба ведаць пра цыгарэтны рынак.
Рыгор Астапеня· 16 Жніўня
Прыгожы ролік пра страшнае беларускае кіно
Прыгожы ролік пра страшнае беларускае кіно
Усё што вы хацелі даведацца пра дзяржаўнае кіно, але пра яго наагул сорамна размаўляць.