Адукацыя мары: як не трапіць у пасткі і выправіць хібы беларускіх універсітэтаў

Дыскусія і лекцыя з практычнымі парадамі ў Салігорску.
Рэдакцыя Ідэі · 27 Жніўня 2018
Адукацыя мары: як не трапіць у пасткі і выправіць хібы беларускіх універсітэтаў

Вышэйшая адукацыя ў сталічным універсітэце штогод вабіць шмат маладзёнаў з усёй Беларусі. А калі яны нарэшце паступаюць у ВНУ, то высвятляецца, што да якасці і практычнай карыснасці беларускай вышэйшай адукацыі ёсць вялікія пытанні. Каму пашэнціла паступіць на бюджэт – тым наперадзе пагрозліва маячыць размеркаванне.

Сустракаемся ў Салігорску, 30 жніўня а 18.00 у кавярне “Янкі” (вул. Заслонава, 25). Рэгістрацыя тут. Падзея ў FB і VK.

Як рэфармаваць беларускія ўніверсітэты, каб там можна было атрымаць сапраўдную адукацыю мары? І якія легальныя варыянты ёсць у кожнага з выпускнікоў ужо цяпер, каб не паехаць па размеркаванні ў калгас на жабрацкі заробак? Гэтыя пытанні госці абмяркуюць разам з экспертам Цэнтра новых ідэй Вадзімам Мажэйкам і дырэктаркай Youth Labour Rights, эксперткай па пытаннях размеркавання Хрысцінай Рыхтэр.

Дыскусія ладзіцца Цэнтрам новых ідэй – грамадскай арганізацыяй, якая імкнецца зрабіць беларускую палітыку разумнай, эканоміку інавацыйнай, а грамадства адкрытым.

Пра лектараў:

Вадзім Мажэйка – аналітык Цэнтра новых ідэй, кандыдат культуралогіі. Вадзім выкладае ў адным з беларускіх універсітэтаў і з’яўляецца амбасадарам супольнасці Press Club Belarus.

Хрысціна Рыхтэр – юрыст, дырэктарка арганізацыі Youth Labour Rights, якая ўжо чатыры гады займаецца кансультаваннем выпускнікоў па размеркаванні. Раней Хрысціна была старшынёй Братэрства арганізатараў студэнцкага самакіравання.

 

Падобныя тэмы
адукацыямерапрыемствы
ПаказацьСхаваць каментары
Вам спадабаецца
Рэдакцыя Ідэі · 11 Сакавіка
Інстаграм ці Вконтакте? Як раскруціць свае праекты ў сацыяльных сетках
Інстаграм ці Вконтакте? Як раскруціць свае праекты ў сацыяльных сетках
Дыскусія і лекцыя з лайфхакамі ў Брэсце.
Алёна Мельчанка , Зміцер Макарчук , Таня Кавалёнак · 28 Лютага
Минобр позвонит! Мова, вёска і каштоўнасці настаўнікаў
Минобр позвонит! Мова, вёска і каштоўнасці настаўнікаў
Адзначылі тыдзень роднай мовы і пагутарылі па-беларуску з адным з самых яскравых ды прагрэсіўных настаўнікаў краіны Зміцерам Макарчуком.
Каманда Ідэі · 25 Лютага
Інтэрактыўная лекцыя “Што будзе з беларускай эканомікай?”
Інтэрактыўная лекцыя “Што будзе з беларускай эканомікай?”
Выступ Сяргея Чалага ў Віцебску ўжо неўзабаве!