Belarus Future Unconference-2019

Запрашаем на галоўную антыканферэнцыю вясны!

Рэдакцыя Ідэі · 14 Траўня 2019
Belarus Future Unconference-2019

Будучыня часта ўспрымаецца абстрактна, але насамрэч “заўтра” не складзена з выпадковасцяў і “чорных лебедзяў”. Будучыня кшталтуецца канкрэтнымі рэчамі: станам эканомікі, дэмаграфічным развіццём, трэндамі ў навуцы і адукацыі, ды зменамі ў палітыцы. Гэтым тэмам і прысвечаная Belarus Future Unconference-2019.

Мэта нашай антыканферэнцыі — сабраць адных з найлепшых беларускіх розумаў, каб абмеркаваць выклікі, перад якімі стаіць Беларусь, і прынамсі паспрабаваць знайсці шляхі, як зрабіць нашую будучыню лепшай.

Старонка канферэнцыі – тут! Рэгістрацыя на падзею (колькасць месцаў абмежаваная!) – тут!

Антыканферэнцыя збярэ найлепшыя беларускія розумы з абсалютна розных галінаў, а галоўным прамоўцам форуму будзе Павел Данэйка. Але мы чакаем вашага ўнёску ў дыялог, бо будучыня куды больш варыятыўная, чым панэльныя дыскусіі.

Таму палова форуму пройдзе ў фармаце World Cafe, дзе кожны ўдзельнік антыканферэнцыі скажа сваё слова. Па выніках дыскусій мы зробім мапу выклікаў для будучыні Беларусі. Традыцыйныя дыскусіі мы заменім размовамі ў фармаце Fishbowl: прыбярэм мадэратара, выступоўцы будуць сядзяць у цэнтры, а аўдыторыя будзе атачаць іх па колу.

Таксама на канферэнцыі будзе прэзентаваны Індэкс беларускай будучыні-2019, які выходзіць пры фінансавай падтрымцы Roast.by і Чысты кіт. У гэтым годзе ў нашым экспертным апытанні адносна перспектываў Беларусі прыняло 58 экспертаў (леташнюю версію можна паглядзець вось тут).

Выступоўцы, мадэратары і ўдзельнікі антыканферэнцыі – гэта прадстаўнікі міжнародных арганізацый, бізнесу, аналітычных цэнтраў, дзяржаўных органаў, медыяў, арганізацый грамадзянскай супольнасці і ўсе тыя, каго цікавіць лёс Беларусі.

За апошнімі навінамі мерапрыемства сачыце ў групах у Facebook і ва “УКантакце”.

ПаказацьСхаваць каментары
Вам спадабаецца
Рэдакцыя Ідэі · 10 Лютага
Як зрабіць Беларусь лепшай за адно дзесяцігоддзе? ЦНІ абвяшчае конкурс эсэ сярод беларускай моладзі
Як зрабіць Беларусь лепшай за адно дзесяцігоддзе? ЦНІ абвяшчае конкурс эсэ сярод беларускай моладзі
Апішы сваю ідэю для будучыні краіны ў фармаце эсэ да 15 сакавіка
Дзіяна Ляшкевіч· 30 Снежня 2019
Наталля Зубарэвіч: Беларускія рэгіёны не апусцяцца да ўзроўню расійскіх
Наталля Зубарэвіч: Беларускія рэгіёны не апусцяцца да ўзроўню расійскіх
Шэсць ідэй з Reshape 2019 аб рэгіянальнай няроўнасці.
Каманда Ідэі · 13 Лістапада 2019
Мы запускаем Belarus Urban Day-2019. Што гэта і навошта мы гэта робім?
Мы запускаем Belarus Urban Day-2019. Што гэта і навошта мы гэта робім?
Расказваем падрабязнасці пра нашу маштабную рэгіянальную серыю дыскусіяў